信念, 堅持

20151203090119985

哩篇野令我諗起我之前自閉做BACK TESTING既日子...

雖然佢投入既時間同研究既成果都比我高一百萬倍, 但我同佢既出發點卻係如出一轍; 我地同樣都有一個信念!

如果賭馬都能夠設計出一個長遠賺大錢的交易程式, 為何期權不可?! 就係因為相信, 我就開始左一段天昏地暗既BACK TESTING生活... 由於我初期既DATA有限, 所以首先做既係最近一年既回測, 而剛剛開始既時後係好順利的, 但當回測既時間越做越長, 問題就一個一個咁接踵而來

在此都不能不讚頌一下BS MODEL既偉大... 諾貝爾奬得主果然並非浪得虛名! 當我堵塞左一個問題時, 另一個問題又會喺第二度走出黎, 到封埋哩個問題時, 第二度又會出現另一個lone... 如是者哩個過程重覆重覆又重覆咁無限loop... 哩個時期差不多loop左我大半個月...

當時我既心情真係矛盾到不得了... 明明理性同自己講: 你都試左成個月, 可以試既都已經試哂啦... 係得既個BS MODEL唔會用左咁耐. 但另一邊廂又有另一把聲同自己講: 賭馬都得! 期權咁多玩法咁多變化點會唔得丫?! 一定有方法既! 你唔識啫! 再諗啦!

但其實當時我諗到既做法都已經試過哂, 真係真係已經諗唔到了... 嗰時係BACK TESTING生涯中最黑暗既時期, 望住堆 DATA, 個腦已經一片空白... 明明知道自己已經技窮, 卻仍然依依不舍咁對住部電腦唔知喺度做梗嘜...

最後我決定唔理D DATA, 由頭到尾喺個腦度PLAY BACK一次, 我期權生涯中所發生過既所有經歴, 結果終於俾我發現到哩個遊戲既本質所在, 之後所有所有野都通哂

<<攞佢命3000>>只係其中一個MODEL, 我暫時總共研究左6個MODEL都係可以每年產生正回報的, 有D比<<攞佢命3000>>賺得仲要多, 但實際操作上就需要相當長時間及高術技去支持

其實我係未讀過A.MATH同STAT的, 會考MATH得隻E, 而我可以搵到咁多個MODEL原因並不是因為我醒, 係因為我信! 我信我諗既野係可行的! 並用盡一切方法令到佢變成真正可行!

唔好懷疑! 唔好聽其他人點講! 堅持相信自己既信念, 無論面對幾多困難幾多錯節, 只要你仍然相信, 並一直堅持下去(但記得要識變通, 錯既方向堅持下去只會越走越錯...), 終有一日你都可以成功的, 你一定可以的!

共勉之, 大家加油!

http://m.life.tw/?app=view&no=430588